Yami Gautam ne apni mehnat se bollywood industry mein fame kamayi hai. Unke looks aur unki acting, dono hi logo ko bahut pasand hai. Unhone recently aisa kya kaha hai ab hum aapko puri baat samjhate hai.
Yami Gautam apni latest Netflix release Chor Nikal Ke Bhaaga ke promotion ke time pe aisa kaha hai ki wo show business mein kaam kar rahi hai to unko PR team rakhne ki zarurat hoti hai aur unki ek PR team hai bhi lekin wo unki personality ke according work karte hai. Aage unhone kaha ki mein kisi ko discredit nahi kar rahi hu lekin life bahut hard hai aur sab apni according kaam karte hai.
Phir Yami ne bhi kaha ki wo kabhi bhi kisi ko pay nahi karengi es baat ke liye ki koi unke baare mein achha bole wo eske badle mein set par mehnat karna pasand karengi aur agar koi unke baare mein achha kahega to wo unko appreciate karengi otherwise wo ye sab pasand nahi karengi.
Kuch dino pehle ek twitter user ne Yami ko ek achhi PR team hire karne ki advice di thi tab Yami ne reply mein ye kaha tha ki ye PR par kuch actors rely karte hai aur mein kisi ko judge nahi kar rahi hu lekin mein ye maanti hu ki aapka kaam ki aapka sabse achha PR hai. Ye ek lamba raasta hai lekin aapko sahi raaste par le kar jayega.
Yami Gautam ki new movie Chor Nikal Ke Bhaaga Netflix par release ho chuki hai. Yami ke sath actor Sunny Kaushal bhi movie mein nazar aayenge. Yami ne unka bollywood career “Vicky Donor” se start kiya tha. Ye film 2012 mein release huyi thi aur enke sath Ayushmann Khurrana bhi movie mein lead role mein the. Yami Gautam ne Sarkar 3, Kaabil, Uri: The Surgical Strike aur Thursday etc. movies mein as a star role nibhaya hai.