Samantha aur Vijay Deverakonda ki film “Kushi” mein ek naya update aaya hai. Samantha ki medical conditions ki wajah se aaye din news ki headlines mein unka naam dekhne ko milta hai. Abhi kuch din pehle khabar ye thi ki Varun Dhawan ke sath jo film unhone sign ki hai wo us movie ko karne se pichhe hat rahi hai. Aaiye dekhte hai es naye update ko jo Kushi film se related hai.
Vijay Deverakonda ke sath Samantha jaldi hi Kushi movie mein nazar aayengi. Filhal film ki shooting abhi shuru nahi huyi hai kyu ki “Shaakuntalam” movie release hone wali hai aur Samantha waha busy hai. Kushi film ke director ne share kiya hai ki shooting jald hi shuru hone wali hai. Director Shiva Nirvana ne Twitter par tweet karte huye kaha ki khushi ki shooting shuru karne wale hai aur sab sundar hone wala hai.
Samantha ke Shaakuntalam ki release mein busy hone ki wajah se Kushi ki shooting abhi rok di gayi hai. Shaakuntalam movie release hone ke liye ready hai. Film Pauranik drama par based hai aur Samantha Shakuntala ka character nibhayengi aur Raja Dushyant ka role Dev mohan nibhayenge. Movie jaldi hi release hogi.
Kuch time pehle Samantha Ruth Prabhu ko ek bimari ne gher liya tha jiska naam hai “Myositis” jo ki tab hoti hai jab muscles mein sujan ho jati hai. Es bimari mein muscles par bahut bura asar padta hai. Eske symptoms ye hai ki es disease mein muscles mein pain hota hai, breathing mein problem hoti hai, aur tiredness bhi hoti hai.
Researchers ye maante hai ki es disease ka koi treatment nahi hai lekin exercise, yoga se thoda relief milta hai. Samantha ne unki ek post mein kaha tha ki ye ek autoimmune condition hai aur wo esse fight kar rahi hai.