Actor Vicky kausha in deeno apni upcoming film ‘Sam Bahadur’ ki shooting mein lage hue the. Bata de ki India ke pehele field marshal, Sam Manekshaw ki biopic “Sam Bahadur” mein Vicky Kausha lead role mein nazar aane wale hein. Yaha film Meghna Gulzar ne direct ki hein khaas baat yaha hein ki film ki shooting poori taraha complete ho chuki hein. Vicky Kaushal ne khud film ke poora hone ki jaankaari ek picture ke saath Instagram post mein share kari.
Film ke complete hone ki jaankaari dete hue Vicky ne likha ” Aabhaar, aabhaar aur kewal aabhaar… ek sacche mahapurush ke jeevan ko chitrit kare ki iss process ka hissa banne ke liye, iss team ka hissa ban ne ke liye jisne vastav mein apna sab kuch de diya. Itna kuch jeene ko mila, itna kuch sikhne ko mila… itna kuch aap sabke saamne laane ko hein. Meghana, Ronnie, mere shandaar coactors, incredible team… Manekshaw family ko, Indian Army ko aur FM Sam H.F.J. Manekshaw, khud ko… Thank You! Yaha Sam Bahadur Film ki wraping hein!!! 1 December 2023 ko aap sabhi se cinemas mein milte hein. ”
Vicky ki iss picture mein unke saath Meghna nazar aa rahi hein aur Vickey photo mein field marshal Sam Manekshaw ke role mein dikh rahe hein. Film ki poori story Sam Manekshaw ki life par based hogi. Vicky Kaushal ke saath iss film mein peheli baar Sanya Malhotra aur Fatima Sana Sheikh screen share karengi.
Fans iss film ka besabri se wait kar rahe hein bata de ki film 1 December ko theaters mein release hogi. Abhi tak film ke kuch posters saamne aa chuke hein jinme Vickey dumdaar look mein nazar aa rahe hein. Sardar Udham Singh ke baad ek baar fir Vicky Kaushal real life ki story badi screen par dikhane wale hein. Ab dekhna jaradast hoga ki Vicky ki yaha upcoming film kya dhamaal machati hein.