Janhvi kapoor aur Varun Dhawan ki movie “Bawaal” ki release date aa gayi hai. Ye ek most awaited movie hai jiske liye fans bahut dino se wait kar rahe the. Ab jab movie ki release date aa gayi hai to fans abhi se kaafi excited nazar aa rahe hai. Filmmakers ne tweet ke zariye release date ki jankari di hai.
Bawaal ki release date ki announcement se fans me excitement bad rahi hai aur makers ne twitter par tweet kiya hai ki Sajid Nadiadwala and Nitesh Tiwari es movie se phir se wapis aa rahe hai. Ye pehle “Chhichhore” movie me sath the jo ki ek superhit hai aur ab Bawaal me sath me kaam kiya hai. Makers ne ye bhi kaha hai ki 6 October 2023 ko Bawaal movie ko nazdiki cinemagharo me dekhne jaye.
Bawaal movie me Varun aur Janhvi ki fresh jodi dekhne ko milegi. Aisa bhi kaha ja raha hai ki ye film Varun Dhawan ke pure career ki abhi tak ki sabse mehengi movie hai. Source ki maane to ye movie ek love story par based hai aur eski shooting bharat desh ke sath sath videsh me bhi huyi hai jaise ki Berlin, Paris, Poland aur bhi kuch desho me eski shooting ki gayi hai.
Upcoming movie me 700 se zyada crew members the. Stuntman aur action director germany se hire kiye gaye the. Varun Dhawan ne bhi movie ke baare me post kar ke fans ko jankari di hai. Movie ki shooting pichhle saal puri ho gayi thi. Uttar Pradesh ke Lucknow shehar me es movie ki shooting huyi thi.
Film ki shooting me action seen ko shoot karne ke liye bahut saare hathiyaaro ka istemal kiya ja chuka hai. Movie me action seen ko shoot karne me kuch 10 din lag gaye the. Eske liye 2.5 crore tak ka kharcha kiya gaya hai.