Holi ke occasion par release hui Ranbir Kapoor aur Shraddha Kapoor ki film “Tu Jhoothi Main Makkar” ne pehle hi din kamal kar diya. Yaha film iss saal ki Shahrukh Khan ki film “Pathaan” ke baad sabse baad sabse badi opening wali film ban gayi hein. Audience aur fans ko Jhooti “Shraddha” aur Makkar “Ranbir” ki jodi bahut pasand aa rahi hein aur ticket ke liye logo ki bheed pad rahi hein. Lagta hein logo ne apni Holi ki chutti ka maza iss movie ko enjoy kar ke liya.
Film “Tu Jhoothi Main Makkar” ne pehle hi din 14 crore ka collection kiya hein aur Hindi belt mein 22.42% ki occupancy darj ki gayi hein. Iss baar darshak din ke show se jyada evening ke show mein pahuche the. Film ko fayeda yaha mila ki desh ke kaafi hisso mein holi 7 March ko mana li gayi thi aur 8 March ki chutti ka isne bharpoor fayeda uthaya yha tak ki 9 March ko bhi iska haal kuch esa hi rehne wala hein aur aage to frr weekend end Saturday Sunday hein hi.
“Tu Jhoothi Mein Makkar” ne Kartik Aryan ki film “Bhool Bhoolaiya 2” ko pachhadd diya hein kyuki ‘Bhool Bhoolaiya 2’ ne opening day par 13.41 crore rs kamaye the. Luv Ranjan ne apni iss film se prove kar diya hein ki love story based films mein unka koi tod nahi. Unki yaha film romantic-comedy genre based hein isme Ranbir Kapoor aur Shraddha Kapoor ke alawa Dimple Kapadiya aur Anubhav Singh Bassi bhi hein.
Film “Tu Jhoothi Main Makkar” ka budget 180-200 crore ke beech ka bataya jaa raha hein film Wednesday ke din 8 March ko release hui hein yaha predict kiya jaa sakta hein ki film weekend mein Sunday ko 20 crore tak ki kamai kar sakti hein. To chaliye dekhte hein Ranbir aur Shraddha ki yaha romantic-comedy film kitni kamai kar paati hein.