Ajay Devgn ki upcoming movie Bholaa abhi kaafi charche mein hai. Unki movie jald hi release hone wali hai. Abhi wo film ko promote karne mein busy hai. Wo abhi kuch dino pehle Kapil Sharma Show mein bhi Tabu aur Deepk Dobriyal ke sath nazar aaye the. Show par Tabu ne film se related bht saari baate share ki thi.
Tabu ne share kiya wo action sequences karne ke liye bilkul bhi ready nahi thi lekin Ajay ne unko manaya ye keh kar ki sirf close-up liya jayega aur saare stunt unko nahi karne hai. Wo bahut dari huyi thi stunts ke baare mein soch ke. Phir jab wo vanity van mein bethi huyi thi tab Ajay ke assistant harness aur cable ke sath aaye. Tabu ko samajh nahi aa raha tha ki ye kya ho raha hai. Phir assistant ne kaha ki boss ne decide kiya hai ki saare stunt aap hi karengi.
Tabu ye baat sun ke nervous ho gayi thi aur unhone bahut saare excuses bhi diye the lekin Ajay Devgn ke paas solutions hote hi hai aur aise unhone stunt kiye Bholaa film mein. Ajay ne ek video bhi post kiya tha jisme wo ye bata rahe hai ki kaise unhone Bholaa movie mein stunts ko execute kiya hai. Us clip mein ye dikhaya ja raha hai ki wo kaise Europe aur India ke supervisors aur experts ke sath planning kar rahe hai. Ajay ko action sequence ko plan karne mein 3 months lage the aur us plan ke according uske shoot mein 11 days lag gaye aur yeh action seen 6 minutes ka tha jiski shooting mein 11 din lage.
Ajay ne video share karte huye likha ki ye kuch 6 minutes lambe bike-truck sequence shot ki ek jhalak hai jo ki Bholaa movie se hai aur esme 11 din lage. Us video mein ye bhi kaha gaya ki ye action seen Ajay ke father Veeru Devgn ko dedicated hai jinhone unko sab kuch sikhaya. Movie Bholaa 30 March ko release hogi.