Taarak Mehta Ka Ooltah Chashmah show ke sabhi fan hai. Show ke liye fans bahut intazar karte hai, ab show mein aage kya hoga? Kaise sab thik hoga? Fans bhi ye sab sochne mein lag jate hai. Ye ek aisa show hai jiske sabhi deewane hai, koi bhi age group ka person es show ko zarur pasand karta hai kyu ki ye show hai hi aisa puri family ke sath beth ke dekhne wala ye ek hi sabse achha show hai aisa fans ka kehna hai.
Ab show mein naya update aaya hai ki show ke producer Asit Modi ne ek khulasa kiya hai Dayaben ke character ki casting abhi chal rahi hai lekin abhi tak aisi koi actress nahi mil pa rahi hai jo Dayaben ke character ko achhe se nibha paye.
Unke role ko nibha pana etni aasan baat nahi hai. Disha Vakani ne jis tarah show mein role play kiya unki acting ko match kar pana bahut mushkil hai. Fans Disha Vakani ko hi Dayaben ke role mein dekhna chahte hai lekin ye shayad possibe nahi hai. Fans baar baar puchte hai ki show mein wo Dayaben ko kab dekh payenge. Fans dayaben ki entry ke liye baar baar Asit Modi se puchte hai lekin dayaben ke role ke liye actress dhundna unke liye mushkil ho raha hai.
Asit Modi ne ye bhi kaha ki wo dayaben ke role ke liye perfection dhund rahe hai kyu ki Disha Vakani jaisa role ko play karna namumkin jaisa hi hai. Disha Vakani ke alawa show mein kayi dusre actors show chhod kar gaye hai, jaise ki Shailesh Lodha, Bhavya Gandhi, Jheel Mehta, Kavi Kumar Azad, Ghanshyam Nayak aur Neha Mehta. En sab ke show ko chhodne ke reason alag alag hai lekin aisa lagta hai jaise ki kuch ke reason same hai. Es baat par show ke kisi bhi actor ne khul ke baat nahi ki hai.