Holi najdeek hi hein aur isi mauke par popular photo-sharing app Snapchat ne festival ko mark karne ke liye four naye augmented reality AR filters add kiye hein. Inme ‘Color Your City’ landmark lens, Custom snap map takeover, Holi theme wala Bitmoji fashion drop, localized stickers aur holi AR lenses include hein. Company ne popular lenses ke kai graphics depictions bhi jaari kiye hein. To iss holi season ko special banane ke liye Snapchat ne ye new Augmented reality filters launch ko launch kiya hein.
Naye ‘color your city’ lense ke saath Snapchat users cities ko AR water color se paint kar sakenge. Yaha tak ki users explore tab ke tahat holi filter bhi search kar sakte hein. Holi mainly colors ka festival hota hein aur iss baat ko dhyan mein rahte hue users ke liye ye naye filter aur lens add kiye hein. To users iss platform par available naye lens aur experience ki iss range ke saath ek rangin utsav ki umeed kar sakte hein.
In filters ke saath hi users naye ‘color your city’ landmark lens aur bahut kuch ke madhyam se India ki cities ko AR water colors ke saath badal sakte hein. Company ne landmark lens ke kuch visual representation bhi share kiye hein. Snapchat ne haal hi mein viral AI-based Chatbot ChatGPT ko platform mein integrate kiya hein. Chatbot ko MIcrofoft-Backed AI Research Startup OpenAI ke dwara launch kiya gaya tha. Snapchat ka Chatbot jisse My AI ke naam se jana jata hein, OpenAI ke ChatGPT ke latest version dwara sanchalit hein.
Snapchat users app ke chat tab ke top par pin kiye gaye Chatbot ko dhund sakte hein. yaha friends ke saath baat chit ke upper dikhai dega. My AI Chatbot only Snapchat+ subscribers ke liye available hoga. Snapchat+ $3.99 per month par available hein. To filhaal Snapchat ke naye Augmented filters ko enjoy kar sakte hein jo ki bilkul free hein.