Social media star aur actress Riva Arora ke baare mein har koi baat kar raha hai kyu ki Instagram par unke 10 million followers ho chuke hai. Esi baat ko celebrate karne ke liye unhe ek car gift mein mili hai. Riva ne social media par ek post ke through ye share kiya hai.
Riva arora ne Instagram par ek video post ki hai jisme wo apni new car ke sath nazar aa rahi hai. 44 lakh ki Audi car unki mom Nisha Arora ne unke 10 million followers hone par unhe gift mein di hai. Posted video mein unki mother puja mein busy dikh rahi hai. Riva ne video ke caption mein likha “New baby in the house”. Unhone ye bhi likha ki wo thoda late ho gayi hai celebrate karne mein par wo apne 10.6 million followers ke sath ab ye news share kar rahi hai.
Aage unnhone apne Instagram followers ko unke support aur love ke liye thank you bhi kaha. Uri actress ne kuch photos bhi share kiye hai jisme wo unki black Audi car ke sath pose kar rahi hai. Riva ne red gown ke sath high heels ko pair kiya hai aur unke fans unhe comments mein new audi car ke liye wishes de rahe hai. Ek user ne to unhe driving license banwane ki advice bhi de di hai.
Riva Arora ek model aur actor hai jinhone “Uri: The Surgical Strike” movie se popularity gain ki hai. Unhone film mein Vicky Kaushal ki niece ka character nibhaya tha. Es movie mein unki acting ko bahut pasand kiya gaya tha. Wo 2020 release “Gunjan Saxena: The Kargil Girl” mein bhi nazar aayi thi.
Recently, film “Chhattriwali” mein riva nazar aayi thi. Unke fans unhe aur bhi movies mein dekhna chahte hai. Wo kuch music videos mein bhi appear huyi hai.