Puneeth Rajkumar Kannada film industry ke sabse bade actor mane jate the, Aaj agar vo humre bich hote to unka 49th birthday celebrate karte apni family or fans ke sath. Sabhi logo ko pata hain ki vo humare bich mein nahi rahe hain ab, but fir bhi log yahi mante hain ki aaj bhi vo Kannada film industry ko represent karte hain.
Ese he superstar apni life mein bohot kuch achieve kar jate hain, Puneeth Rajkumar ki death heary attack ki vajah se hui thi. or jese he ye news bahar aayi to Kannada Govt ne pure state mein section 144 laagu kar di gayi thi. Pure state mein 2 din ke liye saari sharab ki dukan band kardi gayi thi.
Unki death ki news sabke liye bohot zyaada shocking thi, unke kayi fans ne issi gum mein suicide karliya or bhi bohot si news aayi thi esi. Unki last ride mein 30 lakh se bhi zyada log aaye the. Puneeth Rajkumar ek ese actor the jinki 14 films 100 din tak theatre main lagi rahi thi. Issi ke sath vo ek social servant bhi the unhone orphan bacho ke liye schools bhi open kare the.
Puneeth sir ka craze itna tha ki unhone apni aankhe donate kari thi, Unke marne ke baad pure karnataka mein 1 lakh se bhi zyaada logo ne apni aankhe donate kardi thi. Hospitals mein ek dum se itne log aa chuke the aakhne donate karwane ki management ko bhi bohot problems face karni padi thi. Iss tarah ke superstar bohot he kum dekhne ko milte hain or saalo mein ek he baar janam lete hain.
Jab Puneeth 6 mahine ke the tabhi vo bade parde par dikhayi diye the. Jab purneeth chote the to vo apne badi behno ke sath movie ke set par aate the shooting dekhne. Tabhi se unki life mein changes aaye or unke ek actor banne ka khayal aaya. Puneeth Rajkumar ki baat he alag thi humehsa yaad rahne valle actor mane jate hain voh.