South Cinema industry mein Rashmika Mandanna kaafi popular hai aur sirf south cinema mein hi nahi unki fan following pure world mein faili huyi hai. Wo apni acting se sabhi ka dil jeet leti hai. Unki movie ke release hone ka bahut log intazar karte rehte hai. Filhal Rashmika ek reason se limelight mein aa gayi hai. Aaiye aapko puri baat batate hai.
Kodava beauty ne unke Twitter par ek video share ki hai aur upcoming film ko announce kar diya hai. Users ne etna to samajh liya hai ki unki ek new movie jald hi dekhne ko milegi south ke superstar Nithiin ke sath, jiske director Venky Kudumula honge. Unhone post mein likha hai ki un tino ka trio jaldi hi ek naye entertaining project mein sath me nazar aayega. Baaki ki details jaldi hi bata di jayegi, aisa unhone aage kaha.
Rashmika, Nithiin aur Venky ki aane wali film ko Y Ravi Shankar aur Naveen Yerneni produce karenge. Movie mein GV Prakash Kumar music compose karenge. Ye trio 2020 mein release huyi film “Bheeshma” mein sath aaye the.
Mission Majnu, Rashmika ki last release film hai jo ki January 20 ko release huyi thi. Rashmika es movie mein Siddharth Malhotra ke sath nazar aayi thi. Wo Pushpa 2 mein Allu Arjun ke sath phir se kaam karengi. Aisa maana ja raha hai ki Rashmika ki movie “Animal” jisme Ranbir Kapoor bhi hai wo august mein release hogi, jisko Director Sandeep Vanga direct karenge.
Rashmika Mandanna ka naam successful actress ki ginti mein liya jata hai. Unki acting aur alag alag character ko bakhubi nibhane ka unka andaaz sabko pasand aata hai. Unke fans unke songs aur movies ke liye wait karte rehte hai. Fans ke liye ye khabar bahut exciting karne wali hai aur jabse Rashmika ne ye post share ki hai tabse fans comments karne mein busy ho gaye hai.