Radhika Apte apni achhi acting performance ke liye jaane jati hai. Wo bollywood industry mein 17 saal se bhi zyada samay se kaam kar rahi hai. Wo bina kisi support ke apni acting aur achhi performances se etni successful actress ban payi hai. Radhika OTT platforms par apni acting ki wajah se popular huyi hai.
Radhika ne kuch dino pehle hi apne social media account par unki upcoming movie ke baare mein bataya hai. Unhone “Mrs Undercover” ka teaser share kiya hai. Es teaser mein wo din mein housewife aur raat mein undercover agent ka role play karte huye dikh rahi hai. Wo ek baar phir se unki excellent acting se fans ko impress karne wali hai.
Jaise hi fans ne teaser dekha unko bahut pasand aaya or wo ab film ko dekhne ke liye bahut excited hai. Fans expect kar rahe hai ki movie bahut achhi hogi aur radhika ko dono characters mein dekhna unke liye kaafi interesting hone wala hai. Unke ek fan ne comment scetion mein likha ki Radhika aap bahut achhi dikh rhi h movie mein aur ek dusre user ne comment kiya ki ye movie mazedar hone wali hai.
Radhika ne apni acting aur different characters ko play kar ke ek bahut achhi performance di hai. Unki last release Monica, O My Darling 2022 mein release huyi thi. Radhika ne upcoming movie ka teaser share karte huye caption me likha ki Home maker ya bone breaker. Teaser mien Radhika ek strong character mein nazar aa rahi hai.
Anushree Mehta ne “Mrs Undercover” movie ko direct kiya hai. Actor Sumeet Vyas bhi movie mein nazar aayenge. Film mein Rajesh Sharma bhi lead role play karte huye dikhenge. Bollwyood actor Radhika Apte “Andhadhun”, “Padman”, “Lust Stories”, “Badlapur” mein apni acting performances se fans ke dilo mein jagah banayi hai.