Actress Parineeti Chopra aaj kal news mein bani huyi hai, unki dating ki news ke chalte unke charche ho rahe hai. Actress kayi baar AAP party ke neta ke sath spot huyi hai. Ab ye maana ja raha hai ki wo relationship mein hai. Chaliye aapko puri baat batate hai.
Ishaqzaade actress, AAP Sansad Raghav Chadha ke sath nazar aayi hai, sapno ke shehar Mumbai mein unko sham ke time sath mein dekha gaya hai. Aisa kaha ja raha hai ki wo sath mein dinner karne gaye the kyu ki unko restaurant ke bahar spot kiya gaya. Dono ko same colour ke outfits mein dekha gaya jisme wo cool nazar aa rahe the.
Bollywood aur rajneeti ke rishte koi nayi baat nahi hai, mostly aisa hota hai ki dono ke dil mil hi jate hai. Es baat par unke fans ko samajh nahi aa raha ki kya Parineeti date kar rahi hai? lekin abhi actress aur punjab se Rajya Sabha sansad Raghav Chadha ne kuch bhi confirm nahi kiya hai.
Parineeti aur AAP neta ko do din mein do baar time spend karte huye dekha gaya hai. Wo dono achhe dost hai aur dono ne London mein sath mein padhayi bhi ki hai aur un dono ke kuch common friends bhi hai. Un dono ko travel ka bhi bahut shauk hai. Raghav Chadha Twitter par sirf 44 logo ko follow karte hai unme se sirf do aise hai jo bollywood se hai, ek to hai Gul Panag aur dusri hai Parineeti Chopra.
Kuch time pehle ye bhi khabar thi ki Parineeti, director Maneesh Sharma ko date kar rahi hai. Raghav Chadha popular es baat ke liye hai kyu ki wo parliament ke youngest member bane hai. Uunchai movie Parineeti ki last release hai. Unke fans unki simplicity aur acting ke liye unko follow karte hai.