Parineeti Chopra aur Raghav Chadha ke date karne ki khabar samne aa rahi thi lekin ab aisa kaha ja raha hai ki actress aur politician dono ki engagement ho chuki aur shayad shadi bhi jaldi hone wali hai. Unki dating news bahut trend kar rahi hai aur ab ye nayi engaged hone ki news se fans kya sach hai ye sochne mein lag gaye hai. Unke liye samajhna mushkil ho raha hai isiliye hum aapko bata rahe hai ki Raghav ke ek colleague ne ek tweet kiya jiske baad se kuch kuch saaf samajh aane laga hai.
Dating ki khabro ke sath sath twitter par jo tweet kiya gaya usse yahi samjha ja raha hai ki dono engaged hai ya fir ek naye rishte mein bandhne ja rahe hai. Unki sath mein me jo pictures hai wo social media par share ki ja rahi hai. Tweet ke baad logo ko ye to confirm ho gaya hai ki kahi na kahi kuch baat to hai jiski wajah se unke colleague ne un dono ki pictures share karte huye unko congratulate kiya hai. Unke nayi journey ke liye unko wishes bhi di hai.
Raghav aur Parineeti ki jodi ko fans bahut pasand kar rahe hai ab aise mein unki enagagement ki news samne aane ke baad fans dono ki shadi ka wait karne lage hai. Unke colleague Sanjeev Arora ne tweet mein Raghav Chadha aur Parineeti Chopra ko congratulate kiya aur ye bhi kaha ki unka “union” love, joy aur companionship se bana rahe aur apni best wishes bhi unhone di.
Parineeti Chopra aur Raghav Chadha ko kuch dino pehle do din mein do baar sath mein dekha gaya tha. Ek baar wo restaurant ke bhar sath mein dikhe the aur dono ne same colour ki shirt pehni thi. Ab kuch fans ne surprised reactions share kiye hai aur kuch user puch rahe hai ki enka confirm ho gaya kya? aur ek user ne ye bhi likha ki kya ye shadi kar rahe hai?