Superstar Prabhas ki movie Chatrapathi ka hindi version jald hi release hone wala hai. Telugu actor Bellamkonda Sreenivas hindi movies mein apna kadam badha rahe hai. Wo Prabhas ki movie ka hindi remake le kar aa rahe hai jisme wo lead role mein honge aur movie ke remake mein jo telugu movie ka name hai Chatrapathi wahi name same rakha jayega. Aaiye jante hai es upcoming film ke baare mein.
Esi movie ke sath Bellamkonda apna hindi debut karenge. Unhone movie ke baare mein share kiya hai jisse log movie ke liye excited ho gaye hai. Movie ka poster bahut hi powerful lag raha hai jisse fans mein film ko dekhne ki jaldi ho rahi hai. Movie Chatrapathi ko S S Rajamouli ne direct kiya tha aur lead role mein actor Prabhas the. Ab hindi remake ko V V Vinayak ne direct kiya hai aur lead role mein rahenge Bellamkonda Sreenivas.
Movie jald se jald release ho jaye, fans yahi chah rahe hai. Fans ke liye achhi khabar ye hai ki hindi remake ki shooting puri ho gayi hai. Eska poster release kiya gaya hai aur film ki release date bhi bata di gayi hai. Bellamkonda ne film ke hindi remake ka poster Twitter par share karte huye likha ki ab intzar khatam ho chuka hai kyu ki ab Chatrapathi, 12 May ko theatre mein release hogi. Apni mehnat se ki huyi acting aur action aapko dikhane ke liye mein desperate hu. VV Vinayak movie ke director hai aur film Vijyendra Prasad ne likhi hai.
Film Chatrapathi ka hindi remake banega esko 2020 mein announce kar diya gaya tha. Filmmaker Bellamkonda Suresh, Bellamkonda Sreenivas ke father hai. Telugu movie Chatrapathi 2005 mein release huyi thi aur fans ne esko bahut pasand kiya tha. Ab es film ko hindi mein remake bana ke fans ko dikhaya jayega. Fans abhi se film ki release ke liye excited ho rahe hai.