Katrina Kaif aur Salman Khan ki jodi kisko pasand nhi hogi, un dono ne jab bhi sath me kaam kiya hai audience ne hamesha pasand kiya hai aur unki jodi kaafi safal bhi rahi hai. Lekin ek aisi khabar hum aapko batane wale hai jo Salman aur Katrina ke fans ko pasand nahi aayegi.
Aisa kaha ja raha hai ki Tiger 3 movie ke baad Katrina kabhi bhi Salman ke sath koi film nahi karengi. Ye dono jaldi hi Tiger 3 mein sath mein dikhenge. Movie ke action scenes audience ko impress kar denge. Unke fans soch rahe hai ki aisa kyu hoga ki wo dono sath mein koi movie nahi karenge to eska jawab hai ki Katrina ke husband Vicky Kaushal bilkul nahi chahte hai ki Katrina Salman ke sath aage kaam kare.
Umair Sandhu ne tweet kar ke ye jankari audience ko di hai. Unhone likha hai ki Katrina ko unke husband Vicky ne bhaijaan ke sath future mein sath mein movie karne se saaf manaa kar diya hai aur Tiger 3 Salman ke sath Katrina ki aakhri movie hogi. Movie ka part 1 “Ek Tha Tiger” 2012 mein release huyi thi. Dusra part “Tiger Zinda Hai” 2017 mein release hua tha aur ab tisra part release hone wala hai.
Tiger 3 ki shooting covid-19 ki wajah se rok di gayi thi lekin jaise ki coronavirus patients mein kami aa gayi waise hi shooting wapis se shuru kar di gayi. Manish Sharma, Tiger 3 film ke director hai aur Aditya Chopra ne movie ko produce kiya hai. Salman aur Katrina ki upcoming film mein Imran Hashmi bhi dekhne ko milenge.
Salman aur Katrina ke fans ke liye achhi khabar nahi hai aur unke fans part 3 ka bahut time se intazar kar rahe the. Ab aisi news sun kar unke fans kaafi dukhi nazar aa rahe hai.