Bollywood actress aur Poltician Kirron Kher ek baar phir se ek jaanleva bimari se guzar kar rahi hai. Kirron Kher coronavirus positive payi gayi hai. Wo 3 saal pehle blood cancer ka shikar huyi thi aur ab wo covid-19 positive hai. Actress ne social media par ek post ke sath eski jankari di hai. Unhone Twitter par post karte huye jo bhi unke sampark mein raha hai unko covid test karwane ki salaah bhi di hai.
Popular actress Kirron Kher ne apna ilaj Mumbai mein karwaya tha aur cancer jaisi bimari ko maat di thi. Jaise hi unhone post share ki, unke fans kaafi chinta me nazar aaye. Fans ne comments section me unki achhi health ke liye wishes di hai. 68 saal ki actress ko blood cancer hua hai ye khabar April 1, 2021 ko fans ke samne aayi thi, unke fans unhe pura support kar rahe hai.
Kuch samay pehle kirron kher ki death ki fake news social media par failayi ja rahi thi, fir tab unke husband Anupam Kher ne es baat ko galat batate huye kaha tha ki unki wife ki death news jhuti hai aur aisi fake news ko failana band kar diya jaye kyu ki kirron bilkul thik hai. Unhone request bhi ki thi ki aisi negative khabar naa failayi jaye. Ek interview me Anupam Kher ne baatchit ke samay kaha tha ki Kirron ki blood cancer me jo recovery huyi hai wo hi unki jeet hai.
Kirron Kher Chandigarh ki sansad hai, beete dino mein wo shehar mein kayi sare inaugurations me shamil huyi thi. Chandigarh shehar mein 4 naye covid-positive paye gaye hai. Kirron Kher ne “India’s Got Talent” reality show mein blood cancer ko haraane ke baad me ek judge ke roop mein wapasi ki thi. Unhone superhit films mein kirdar nibhaya hai, “Main Hoon Na”, “Devdas”, “Dostana”, jaisi hit movies mein unhone bhumika nibhayi hai.