Kangana Ranaut ek baar phir se Diljit Dosanjh ko warning de di hai. Twitter par ek post ko share karte huye unhone aisa kiya hai. Kangana ne Diljit ke arrest hone ki baat kahi hai, popular singer phir se unke nishane par hai. Kangana ne unki post mein “pols aagai pols” likh ke singer ko target kiya hai aur ye phrase ek meme se related hai jo social media par kaafi viral ho raha hai. Diljit ko us post mein tag karte huye likha hai ki “just saying”. Kangana ne aage likha “Diljit Dosanjh ji pols aagai pols”.
Kangana ne yeh bhi likha ki jo bhi khalistanis ko support kar rahe hai yaad rahein dusra number ab tumhara hai, pols aa gayi hai aur ab wo samay nahi hai ki jisko jo karna hota tha wo karta tha, apne desh ke sath gaddari tumko mehengi padegi. Kangana apni twitter ya Instagram stories mein un baato ke liye stand leti hai jab unhe wo sahi nahi lagti hai, wo sidhe un logo ko bhi target kar deti hai jo unki nazar mein galat hai.
Diljit Dosanjh es baar unke nishane par rahe, aur unhone ghuma fira ke apne man ki baat bol di hai. Kangana ne unki Instagram story mein bhi aisi baat keh di hai jo Diljit ke fans ko pasand nahi aayegi. Kangana ne unki post mein zyada kuch saaf saaf nahi kaha hai lekin unka ye ishara log samajh gaye hai ki unke nishane par kaun hai.
Abhi tak Punjabi actor ne es post ke jawab mein kuch reaction nahi diya hai, lekin Kangana ke followers ko unki ye post bahut funny lag rahi hai aur kuch log ye bhi keh rahe hai ki Diljit ko wapis se poke mat karo, aur kisi ne ye bhi kaha hai ki wapis se ye sab karne ki zarurat kya hai, yaha par actress aur singer ke purane conflicts ki baat ho rahi hai.