Kangana Ranaut apne bold nature ke liye kaafi popular hai, koi bhi mudda ho ya koi desh se judi khabar ho, Kangana apni raay zarur rakhti hai. Jaise ki abhi kuch dino mein hua hai. Actress ki warning ke baad Diljit Dosanjh ne kuch aisa kaha hai ki un dono me ek baar phir se jung hone wali hai.
Abhi haal hi mein Queen actress ne giraftari aur khalistani ko lekar Diljit ko ek tarah se warning di thi lekin ab Diljit ne palatwar kiya hai. Aisa lag raha hai ki dono social media par ek jung me utar gaye hai. Actress ki warning ke baad ab Diljit ne Instagram story share ki hai jisme wo apna jawab de rahe hai.
Unhone story mein punjabi language mein ek note share karte huye apna jawab de diya hai. Unke note ka translation hai ki, “Mera punjab phalta-phoolta rahe” aur sath mein ek hath jodne wala sticker bhi add kiya hai. Diljit ka aisa reaction actress ki post ke baad aaya hai. Actress ne “pols aagai pols” post mein likh ke indirectly singer pe nishana sadha tha.
Singer aur actress dono pehle bhi aise social media par aamne samne aa chuke hai. Pehle 2020 mein bhi enke bich ek ladayi huyi thi kisan virodh ke mamle mein. Diljit ne Kangana ke reactions ko “drama” kaha tha. Punjabi singer ne unhe saaf saaf to kuch nahi kaha hai lekin unhone indirectly apne man ki baat keh di hai.
Kangana Ranaut aur Diljit Dosanjh dono kaafi famous hai aur dono social media par jab bhi koi post ya story share karte hai to users apne apne thoughts zarur share karte hai. Comments section mein users likhte hai ki phir se conflicts shuru mat karo, Enki behas ko lekar kuch fans ne apni chinta bhi zahir ki hai.