3 Idiots sequel ek baar phir se discussion ka topic ban gaya hai kyu ki ab Boman Irani ne bhi 3 Idiots sequel ke baare mein apna reaction de diya hai. Sharman Joshi ne social media par ek video share ki thi uske baad se bollywood actress Kareena Kapoor ne bhi react kiya tha aur ab Boman Irani ne bhi gusse mein apne man ki baat keh di hai.
Aapko bata dein ki ye sab kuch tab shuru hua jab Sharman Joshi ne unki upcoming movie “Congratulations” ke promotion ke liye video post ki thi jisme wo R Madhavan aur Aamir Khan ke sath nazar aa rahe hai. Ab unke trio ko ek baar phir se sath me dekh kar users ko unki film 3 Idiots yaad aa gayi. Fans ko lag raha hai ki 3 Idiots ka sequel aane wala hai.
Esi confusion mein Kareena Kapoor ne bhi ek video share ki thi jisme unhone kaha ki ye kya ho raha hai? Mere bina 3 Idiots sequel kaise ban sakti hai aur ye sab jhoot hai ki Sharman apni Gujarati film Congratulations ka promotion kar rahe hai, mujhe aisa lag raha hai ki ye mere bina hi 3 Idiots ka sequel bana rahe hai aur mujhe lagta hai ki Boman Irani ko bhi es baat ka pata nahi hai.
Ab Kareena ke reaction ke baad Boman Irani aka Virus ne bhi apna reaction social par ek video ke through de diya hai. Unhone kaha hai ap aap log ye kya kar rahe hai? Aap kaise 3 Idiots ko Virus ke bina soch sakte hai? Unhone ye bhi kaha ki achha hua ki Kareena ne mujhe inform kar diya nahi to mujhe pata nahi chalta. Ye sahi nahi hai, ye galat hai. Me sure hu ki Jaaved Jaffari ko bhi es baare mein kuch bhi pata nahi hai, aage unhone kaha.
Phir eska response dete huye Sharman Joshi ne kaha ki sorry virus, mera matlab hai ki Boman Irani sir. Aap gussa mat kijiye. Me aapko detail mein short mein bataunga aur aap please mera phone utha lena.