Aaj ke time mein health ko maintain rakhna ek challenge jaisa hi hai, agar dhyan naa diya jaye to health issues hone lagte hai. Lekin daily routine mein kuch thode se changes kar ke aap apni health ke liye kuch achha kar sakte hai. Aage hum batane ja rahe hai Khajoor (Dates) ke kuch aise fayde jo ki experts ne khud bataye hai.
Jaise hi Ramadan shuru huyi hai waise hi khajoor ko diet mein add kar liya gaya hai. Waise to khajoor ke fayde aapko pata hi honge lekin aaj hum aapse eske aur bhi fayde share karenge. Khajoor antioxidants aur fiber se bhara hua hai aur taste mein bilkul mitha hota hai. Ye ek natural sugar hai jo ki kayi bimariyo mein raahat deta hai.
Khajoor ko diet me shamil karne se ye blood pressure, heart diseases, aur bhi kayi bimariyo se bachata hai. Experts ki maane to khajoor immunity booster ki tarah kaam karta hai kyu ki esme Zinc, Iron, Fiber, Vitamins, Carbohydrates aur Minerals hote hai. Eske fayde ye bhi hai ki ye skin ko glowing banata hai. Ye liver mein hone wali bimariyo se bachata hai.
Cholesterol level ko maintain karne mein dates bahut help karti hai. Agar cholesterol badh jaye to heart ke liye khatra ho sakta hai. Ye khoon ki kami ko bhi door karta hai. Roz dates khane se Anaemia ki problem ko bhi door kiya ja sakta hai. Esme bahut tarah ke antioxidants hote hai jo koi bhi bimari ka khatra nahi hone dete. Esme paye jane wale flavonoids antioxidants body mein huyi inflammation ko kam karta hai.
Humne eske etne saare fayde to samajh liye to hum baat karte hai ki dates ko kaise diet mein add kiya ja sakta hai. Aap khajoor ko desserts mein add kar ke kha sakte hai ya phir usko soak kar ke bhi kha sakte hai.
Information ko daily routine mein add karne se pehle doctor se advice zarur leni chahiye.