Kapil Sharma peechle kuch dino se unki nayi film “Zwigato” ko lekar surkhiyon mein bane hue hein. Kapil Sharma Bollywood actor hone ke saath saath great comedian bhi hein aur duniya bhar ke log unke fans hein. Unki film Zwigato lambe samay se charcha mein bani hui hein aur film 17 March Friday ko cinemas mein release hui. Lekin buri baat yaha hein ki film ko viewers se utna pyaar nahi mil raha hein, jitni umeed ki jaa rahi thi.
Film Zwigato ki kahani ek normal insaan ke struggle par based hein jo ki expectations aur kabhi na tutne wali human spirit ko darshati hein. Film un logo ke struggle ko capture karti hein jonka daily life mein wo saamna karte hein, jinhe aksar ignore kar diya jata hein. Par muskil bhare iss safar ke alawa kuch khusi ke pal bhi hein jo dekhne layak hein. Nandita Das ke dwara direct ki gayi iss film mein Kapil ke alawa Shahana Goswami bhi main role mein hein.
Zwigato ke opening day ke starting collection se makers ko bahut jhatka laga hein. Kai saalo baad Kapil ne iss film se badi screen par waapsi ki thi. Zwigato ne apni release ke pehele din sirf 50 lakh ka kaarobaar kiya, jo ki maker ke liye kaafi nirashajanak hein. Bata de ki Kapil ke film ‘Zwigato’ ke saath Rani Mukherjee ki film ‘Mrs. Chatterjee Vs Norway’ bhi release hui thi jisne film ko kadi takkar di. Kapil ki kadi mehenat ke baad bhi film ki opening bahut kharaab rahi.
Ab dekhne wali baat to yaha hein ki Saturday aur Sunday ki chutti mein “Zwigato” kya kamaal kar paati hein. Zwigato ke hit na hone ka ek reason yaha bhi saamne aa raha hein ki film release hone ke kuch ghante baad hi leak ho gayi thi. Medai reports ke according film pehele hi din piracy ka shikaar ho gayi. Yaha film free mein Moviesrule, Tamilrockers aur Telegram jesi pirated websites par available hein.