Bollywood mein ek bahut hi boori khabar saamne aayi hein actor Satish Kaushik ka nidhan ho gaya hein. Iss baat ki information khud Actor Anupam Kher ne di hein Anupam ne ek tweet ke through se iss news ki pushti ki hein. Satish Kaushik ka nidhan Delhi ke paas Gurugram mein Wednesday night ko hui. Death ka reason heart attack bataya jaa raha hein. Satish Kaushik ka 66 years ki age mein nidhan ho gaya hein. Actor ki maut ki khabar saamne aate hi filmy duniya mein sannata chhaya hua hein.
Iss baat ki jaankaari dete hue unke close friend Anupam Kher ne likha ki Jaanta hu mrityu hi iss duniya ka antim sach hein! Par ye baat mein jeete ji kabhi apne jigri dosy Satish ke baare mein likhunga ye mene apne sapne mein bhi nahi socha tha 45 saal ki dosti par aaj purn virhaam lag gaya hein. Satiish ke bina zindagi fir kabhi pehle jesi nahi rahegi. OM Shanti!”
Satish Kaushik kisi kaam se yaha aaye hue the aur ussi waqt unki tabiyat bigad gayi. Jaldi-Jaldi mein unhe gurugram ke Fortis Hospital le jaya gaya lekin afsos unki zindagi nahi bachai jaa saki. Delhi ke Din Dayal Hospital mein body ke postmortem ke baad shaam tak unki body ke mumbai pahuchane ki umeed hein.
Shock kar dene wali baat yaha hein ki maut se ek din pehle hi wo bilkul thik the aur yaha tak ki social media par bhi active the. 7 March ko unhone Mumbai ke Juhu mein Shabana Azmi ke ghar holi party attend ki thi. Yaha Satish ne apne collegues ke saath dhamakedaar andaaz mein holi ka jashn manaya tha. Yaha tak ki unhone holi celebration ki pictures ek din pehle hi apne social media handle par share ki thi.Satish Kaushik ke holi celebration mein Jahved Akhtar, Mahima Choudhary, Richa Chadha, aur Ali Fazal dikhaai de diye the. Unhone dophar tak party mein khoob enjoy kiya uske baad Delhi ke liye rawana ho gaye the.