Bollywood actor Anupam Kher ne social media par kuch videos aur photos share kiye hai. Unhone unki Benglauru ki journey ke baare mein share kiya hai jab wo Indigo flight mein economy class mein bethe the aur jaise hi crew members ne unko dekha to passengers ko eske baare mein bataya. Anupam Kher ek aam aadmi ki tarah flight mein economy class mein bethe the.
Crew members ne Anupam Kher se request ki agar wo fans ke sath pictures click karwaye. Anupam Kher bahut hi behtar actor hai jinhone apni acting performances se fans ko har baar har role mein apni performance ko nibha ke unko impress kiya hai. Fans unki movies ke liye excited rehte hahi aur unki films ke liye wait bhi karte hai. Youngsters bhi unki movies ko dekhna pasand karte hai. Koi bhi age group ka person unke different characters mein dekhna chahta hai.
Anupam Kher ne passengers ke sath aur crew members ke sath photos click karwaye or unhone video aur photos social media par share bhi kiye. Video mein dekha ja sakta hai ki crew member passengers ko bata rahi hai ki Anupam Kher un sab ke bich hai or actor se request bhi karti hai ki hum sabke sath pics zarur click karwaye aur Anupam Kher aur unke hard work ke liye zordar taaliya ho jaye.
Actor ne video share karte huye caption mein likha ki thank you Indigo captain Tejasvi Shah, captain john aur wonderful crew Mariyam Azad, Subahpriya, Tashi aur Pratiksha, flight 6E979 mein mujhe etna achha feel karwane ke liye aur meri tarif karne ke liye shukriya, Jai Hind.
Actor ki flight mein taarif huyi aur sabne unke liye taaliya bhi bajayi, aise mein actor etni tarif aur respect ke liye bahut khush huye aur unhone uske liye caption mein sabhi crew members aur captains ko thank you bhi bola.