Actor Sameer Khakhar ka Wednesday ko 71 years ki age mein nidhan ho gaya hein. Haal hi mein Actor Satish Kaushik ki maut se film industry ko bada dhakka laga hein aur ese mein yaha khabar industry mein shok ki leher hein. Bhale hi Sameer Khan ne chote-chote roles play kiye ho par unke in chote-chote roles ne bhi viewers ke dilo par raaj kiya hein. 71 years ke Sameer ne Wednesday ke din subaha 4 baje duniya ko alwida keh diya. Bataya jaa raha hein ki Sameer lambe time se saans ki aur other kai bimariyo se jujh rahe the.
Sameer Khakhar TV serial “Nukkad” se logo ke beech kaafi famous hue the. Nukkad 90 ke sashak ke ek famous TV show tha jo ki Durdarshan channel par telecast kiya gaya tha. Iss TV show ko Kundan Shah aur Saeed Akhtar Mirza ne direct kiya tha. Sameer Khakhar ke aawa iss TV serial mein Avtar gill, Dilip Dhawan aur Rama Vij main role mein the. Iss popular TV show Nukkad mein Khopadi ka role play kar Sameer bahut popular hue the. Apne kirdaar se sabko hasane-gudgudane wale Sameer an humare beech nahi rahe.
Sameer ne apne filmy carrier ki starting 1987 mein aayi film jawab hum denge se ki thi. Iske baad unhone Mera Shikaar, Shenshah, Guru, Nafrat Ki Aandhi, Parinda jesi kai behetarin films mein kaam kiya. Wahi chote parde par Sameer ne manoranjan, circus, Naya Nukkad, Shreemaan-Shreemati aur Adalat jese TV shows mein nazar aaye.
Bataya jaa raha hein ki Sameer ko Borivali ke MM Hospital mein unhe admit kiya gaya tha, jaha Sameer ne apni antim saanse li. Wahi subaha 10:30 baje ke kareeb Borivali ke bhabhai Naaka Shamshaan Ghaat mein unka antim sanskaar hua. Actor ke nidhan ki khabar unke bhai Ganesh ne di. Unke bhai ne yaha bhi bataya ki unki body ke kai parts ne kaam karna band kar diya tha.