3 Idiots movie 2009 mein relase huyi thi lekin aaj bhi log film ko dekhna pasand karte hai, kuch logo ko ye film etni pasand aayi thi ki unhone esko ek ya do se zyada baar dekh liya hai phir bhi wo us movie ko baar baar dekhte hai. 3 Idiots kaafi successful movie rahi hai. Movie mein R Madhavan, Sharman Joshi aur Aamir Khan ke trio ko bahut pasand kiya gaya tha.
Ek baar phir se Madhavan, Sharman aur Aamir sath mein nazar aaye hai. Aisa maana ja raha hai ki 3 Idiots ka sequel aane wala hai. Aamir Khan social media par zyada active nahi rehte hai lekin R Madhavan aur Sharman Joshi apni life ke bahut saare updates unke fans ke sath share karte rehte hai.
Sharman Joshi ne Madhavan aur Aamir ke sath ek video post kiya hai jisko dekh ke users samajh gaye hai ki 3 Idiots ka sequel jaldi hi aane wala hai lekin sach baat ye hai ki tino Sharman ki upcoming film “Congratulations” ke liye sath mein nazar aa rahe hai.
Ab Kareena Kapoor ne bhi es baat par apna reaction de diya hai. Kareena ne social media par ek video share ki hai jisme wo keh rahi hai ki aisa kya secret hai jo humse chhupaya ja raha hai aur ye mat kaho ki ye Sharman ki movie ka promotion hai. Unhone fun-loving tone mein ye bhi kaha ki mere bina ye movie kaise kar sakte hai? Mujhe lagta hai ki Boman ko bhi ye baat pata nahi hogi.
Aage Kareena ne kaha ki aakhir chal kya raha hai? Ye ek sequel ki tarah kuch lag raha hai. Es baat ne fans ko kaafi excited kar diya hai. “Congratulations” Sharman Joshi ki pehli aisi film hai jo Gujarati language mein hai. Movie mein Sharman ek pregnant man ka character play kar rahe hai.